Իսպանիայի առաջնության 37–րդ տուրում Մադրիդի «Ռեալը» հյուրընկալվելիս ոչ–ոքի՝ 4–4 հաշվով ավարտեց հանդիպումը «Վիլյառեալի» հետ։

«Արքայական ակումբի» գլխավոր մարզիչ Կառլո Անչելոտիի հետխաղային մամուլի ասուլիսը։

«Հաճելի հանդիպում էր, բաց խաղ ընթացավ։ Այս խաղում մենք հասանք այն ամենին, ինչին պարտավոր էինք։ Մեզ պետք էր նման հանդիպում, որպեսզի պահպանենք անհրաժեշտ ռիթմը և պատրաստվենք ՉԼ–ի եզրափակիչին։ Այս խաղում մեր նպատակը ոչ թե միավորներ վաստակելն էր, այլ նշածս, քանի որ մենք միավորների կարիք չունենք»։

«Ինձ չի անհանգստացնում 4 բաց թողնված գոլերը։ Բաց հանդիպում էր, մենք հարձակվողական ֆուտբոլ էինք ցուցադրում։ Հնարավոր ՝ այսօր մենք շատ գոլեր բաց թողեցինք, սակայն սարսափելի ոչինչ չկա։ Այսօր տուժեց ոչ միայն Միլիտաոն, այլ նաև Ռյուդիգերը։ Էդերը գրեթե 100 տոկոսով պատրաստ է և երկու շաբաթ ունի նախքան ՉԼ–ի եզրափակիչը։ Լունինը մեղավոր չէ «Վիլյառեալի» գոլերում»։

«Այսօր Գյուլերը յուրահատուկ խաղ ցուցադրեց։ Նրա դի՞րքը, որքան ավելի մոտ լինի մրցակցի տուգանային հրապարակին, այնքան լավ։ Արդան շատ էֆեկտիվ է մրցակցի դարպասների մոտ, նա արդեն շատ գոլ է խփել։ Նա յուրահատուկ տաղանդ ունի, որը կարողանում է իրացնել հենց մրցակցի տուգանային հրապարակի մոտ, այլ ոչ թե դրանից հեռու»։

«Բրահիմը հիանալի մրցաշրջան անցկացրեց, նա մեզ շատ օգնեց։ Նա, Խոսելուն և Գյուլերը շատ գոլեր են խփել։ Մեր հանդերձարանը պատրաստ է լավ մարզվել այս երկու շաբաթների ընթացքում և փորձել հաղթելու «Բորուսիային»։