«Ռեալի» գլխավոր մարզչի հարցազրույցը:

«Մբապե՞ն, ես երբեք չեմ խոսել այն ֆուտբոլիստների մասին, որոնք «Ռեալում» չեն: Ես կարող եմ խո սել Բելինգեմի, Գյուլերի, Ֆրանի և Բրահիմի մասին, որը շատ լավ վերադարձավ «Միլանից»: Խոսել այն ֆուտբոլիստների մասին, որոնք այստեղ չեն՝ սխալ է:

Բելինգեմը հիանալի կիսապաշտպան է, նա ունի որակներ, որի կարիքը մենք զգում էինք այդ դիրում: Գյուլերը նույնպես շատ լավ որակներ ունի և նրան շատ կհավանեն «Ռեալի» երկրպագուները:

Մենք միշտ մեզ լավ ենք զգացել ԱՄՆ-ում: Սա լավ տեղ է մարզումների համար, մենք 4 խաղ ունենք, որտեղ կտեսնենք թիմի խաղամակարդակը: Մենք պետք է փորձենք ինչ-որ բան անել մինչմրցաշրջանի ընթացքում: Բոլորը վերադարձել են լավ մարզավիճակով: Մենք վստահ ենք մեր ուժերին և ուրախ են, քանի որ պատրաստվում են լավ սկսել մրցաշրջանը:

Ես կարծում եմ, որ մրցաշրջանը լավ կանցնի: Մենք շատ ինքնավստահ ենք, քանի որ թիմն ավելի լավն է դարձել, չնայած մենք կորցրել ենք Բենզեմայի պես առանցքային ֆուտբոլիստի՝ ակումբի լեգենդին: 

Մենք մեկ հարձակվողով նույնպես կարող ենք հավակնել բոլոր տիտղոսներին: Ես շատ գոհ եմ ներկայիս կազմից և ցանկանում եմ նոր բան փորձակել մինչմրցաշրջանի ժամանակ:

Ես մինչև 2024 թվականի հունիսի 30-ը «Ռեալի» գլխավոր մարզիչն եմ, չեմ շտապում նոր պայմանագիր կնքել, քանի որ լիովին վստահ եմ ակումբի վրա: Տեսնենք՝ ինչպես կավարտվի մրցաշրջանը: Ցանկանում եմ փակել Բրազիլիայի հավաքականի թեման, այլևս չեմ խոսելու այդ մասին»: