Տիերի Անրին Վինիսիուսին անվանել է լավագույն ձախ հարձակվող։ 

ՉԼ-ի 1/4 եզրափակչում «Ռեալը» սեփական հարկի տակ 2:0 հաշվով առավելության հասավ «Չելսիի» նկատմամբ։ Բրազիլացին այդ խաղում գոլային փոխանցում կատարեց Ասենսիոյին, ինչպես նաև նպաստեց թիմի խփած առաջին գոլին։ Այդպիսով նա ՉԼ-ի վերջին 20 խաղերում 10 գոլի և 10 գոլային փոխանցման հեղինակ դարձավ։ 

CBS Sports-ի հետխաղային եթերի ընթացքում Ջեյմի Կարագերը հարցրել է Անրիին, թե արդյոք նա Վինիսիուսին համարում է լավագույնը իր դիրքում։   

«Ներկա պահին նա իր դիրքում լավագույնն է։ «Արսենալում» կան տղաներ, ովքեր նույնպես հիանալի են դրսևորում իրենց։ Օրինակ Մարտինելին։ 

Վինիսիուսը մտածում է իր բոլոր քայլերից առաջ։ Ռիս Ջեյմսին շրջանցելուց առաջ նա իր մեջ մտածում է, որ միգուցե պարտվի ուժային դիմակայությունում, սակայն միևնույն է անում է դա։ Նա անընդհատ ստիպում է պաշտպաններին վազել իր հետևից։ Ահա, թե ինչն է տարբերությունը։ Երբ ես տեսնում եմ նրան գնդակով, հասկանում եմ, որ հիմա ինչ որ բան տեղի է ունենալու։ Նա խաղում է ուղեղով։ 

Ես ընտրում եմ հենց նրան, քանի որ առաջին հերթին նայում եմ այն ճանապարհին, որը նա անցել է։ Սկզբում նա անցանկալի ֆուտբոլիստ էր հանդերձարանում, հետո նրան սկսեցին քննադատել բոլորը։ Նրան սուլում էին երկրպագուները, ցանկանում էին հեռացնել նրան թիմից, սակայն այս տղան անըդհատ առանձնանում է։ Այժմ նա թիմին առաջ է տանում իր հետևից։ Այդ դերում միակ մրցակիցը Բենզեման է, և կարելի է ասել, որ նրանք դա անում են միասին». նշել է Անրին։

Los Merengues, Realmadrid.am