«Ռեալի» պատմության այս օրը. հոկտեմբերի 18

18.10.2022

1766 0

Ուշագրավ իրադարձություններ, որոնք «Ռեալի» պատմության մեջ տեղի են ունեցել հոկտեմբերի 18-ին:

• 1994

28 տարի առաջ, ՈւԵՖԱ-ի գավաթի երկրորդ փուլի առաջին խաղում Մադրիդի «Ռեալը» 2-2 խաղաց Մոսկվայի «Դինամոյի» հետ: «Արքայական» ակումբից գոլեր խփեցին Սանդրոն ու Իվան Սամորանոն:

• 1995

27 տարի առաջ, Չեմպիոնների լիգայի խմբային փուլի երրորդ տուրում Մադրիդի «Ռեալը» 6-1 հաշվով հաղթեց «Ֆերենցվարոշին»: «Ռեալից» գոլեր խփեցին Ռաուլը (3), Իվան Սամորանոն (2) ու Ֆերնանդո Հիերոն: Սա Ռաուլի առաջին հեթ-տրիկն էր «Ռեալի» կազմում, ինչպես նաև միակ հեթ-տրիկը Չեմպիոնների լիգայում:

• 2011

11 տարի առաջ «Ռեալը» տանը 4-0 հաշվով հաղթեց «Լիոնին»: Գոլեր խփեցին Կարիմ Բենզեման, Սամի Խեդիրան, Հուգո Լյորիսը (ինքնագոլ) և Սերխիո Ռամոսը: Այդ մրցաշրջանում «Ռեալը» հաղթեց Չեմպիոնների լիգայի խմբային փուլի բոլոր խաղերում:

• 2016

6 տարի առաջ Մադրիդի «Ռեալը» Չեմպիոնների լիգայի խմբային փուլի երրորդ տուրում տանը ջախջախեց Վարշավայի «Լեգիային»՝ 5-1 հաշվով: Գոլեր խփեցին Գարեթ Բեյլը, Տոմաշ Յոդովլեցը (ինքնագոլ), Մարկո Ասենսիոն, Լուկաս Վասկեսն ու Ալվարո Մորատան:

• 2020

2 տարի առաջ «Ռեալի» կանանց թիմը պատմության առաջին հաղթանակը տարավ: Առաջնության խաղում «Ռայո Վալյեկանոյի» դեմ կայացած խաղում «Սերուցքայինները» հաղթեցին 3-1 հաշվով: Գոլեր խփեցին Մայթե Օրոսը, Կոսովարե Ասլանին ու Ջեսիկա Մարտինեսը: