Ռամոսը, Կրոսը և այլոք. «Ռեալն» արձագանքում է Մարսելոյի հեռանալուն

13.06.2022

4381 0

16 տարի ակումբում անցկացնելուց հետո Մարսելոն հեռանում է։ Այս ընթացքում բրազիլացի պաշտպանը մասնակցել է 545 հանդիպման, որոնցում դարձել է 38 գոլի ու 103 գոլային փոխանցման հեղինակ, նվաճել 25 տիտղոս։

Մարսելոյի հրաժեշտը շատ էմոցիոնալ ստացվեց։ Բրազիլացին մամուլի ասուլիսի ժամանակ զգացմունքային տեքստով հանդես եկավ և անգամ հուզվեց։

Ահա, թե ինչպես մամուլում արձագանքեցին բրազիլացու արդեն նախկին թիմակիցները։

Սերխիո Ռամոս. «Եղբայր, այսօր դու հրաժեշտ ես տալիս թիմին, բայց քո թողած ժառանգությունը միշտ մնալու է։ Շնորհավորում է անհնարին ձեռքբերումների համար։ Համբուրում եմ»։

Կազեմիրո. «Եղբայր, ավագ, լեգենդ. շնորհակալություն ամեն ինչի համար»։

Թոնի Կրոս. «Կարող եմ ասել, որ ես խաղացել եմ բոլոր ժամանակների լավագույն ձախ պաշտպանի հետ»։