Marca-ի փոխանցմամբ, Մադրիդի «Ռեալը» և «Բարսելոնան» պայքարում են «Ռասինգի» երիտասարդ տաղանդ Պաբլո Տորեյի տրանսֆերային իրավունքները ձեռք բերելու համար։ 

4 կարևոր հանգամանք, որ պետք է իմանալ 18-ամյա ֆուտբոլիստի մասին։ 

1. Նա կարող է դառնալ Մոդրիչի փոխարինողը։ 

Տորեն հիմնականում խաղում է առաջ քաշված կիսապաշտպանի դիրքում և մեծ դեր է խաղում իր թիմի խփած գոլերում։ 

«Ռասինգի» կազմում անցկացրած 48 խաղերում նա դարձել է 10 գոլի և 12 գոլային փոխանցման հեղինակ։

Հետաքրքիրն այն է, որ Տորեն և Մոդրիչը նույն հասակն ունեն (1.73)։

2. Նա սիրում է գոլեր խփել առաջին կեսում։ 

«Ռասինգի» կազմում նրա խփած 10 գոլերից 9-ը գրանցվել են առաջին կեսերում։ 

3. Պաբլոն հանդիսանում է Իսպանիայի Մ19 տարեկանների հավաքականի անդամ։ 

Հավաքականի կազմում իր նորամուտը Տորեն նշել է 2021-ի հոկտեմբերին։ Այդ պահից ի վեր նա մասնակցել է 6 հանդիպման և դարձել 3 գոլի հեղինակ։ 

4. Նրա տրանսֆերային արժեքը կազմում է ընդամենը 1 մլն եվրո։ 

Սա չի նշանակում, որ «Ռասինգը» պատրաստ է բաց թողնել իր աստղին այդ գումարի դիմաց։ 

Ֆուտբոլիստի գործող պայմանագիրը նախատեսված է մինչ 2025 թվականը, ինչը նշանակում է, որ բանակցությունների փուլում «Ռասինգը» ավելի շատ գումար է պահանջելու Տորեյի տրանսֆերի դիմաց։

Los Merengues, Realmadrid.am