«Ռեալն» ուժեղ էր «Ուեսկայից»՝ 4-1

31.10.2020

3491 0

Իսպանիայի առաջնության 8-րդ տուրում Մադրիդի «Ռեալը» տնային խաղում վստահ հաղթանակ տոնեց «Ուեսկայի» նկատմամբ:

Հաշիվը բացվեց հանդիպման 40-րդ րոպեին: Մրցաշրջանում իր առաջին գնդակը խփեց Էդեն Ազարը, որը վնասվածքից ապաքինվելուց հետո առաջին անգամ «Արքայական ակումբի» մեկնարկային կազմում էր:

Րոպեներ անց Կարիմ Բենզեման հաշիվը դարձրեց 2-0: Առաջին խաղակեսն այդպես էլ ավարտվեց:

Երկրորդ կեսում Ֆեդե Վալվերդեն հաշիվը դարձրեց խոշոր՝ գնդակը մրցակցի դարպասն ուղարկելով 54-րդ րոպեին:

«Ուեսկայի» միակ գնդակը խփեց Ֆերեյրոն հանդիպման 75-րդ րոպեին:

90-րդ րոպեին էլ Կարիմ Բենզեման ձևակերպեց դուբլ՝ հաշիվը նորից դարձնելով խոշոր ու վերջնական՝ 4-1:

Լա լիգա, 8-րդ տուր