«Ռեալը» մի քանի շաբաթ է, ինչ մտածում է Լա լիգան լքելու մասին, հաղորդում է Mundo Deportivo-ն։ Ըստ աղբյուրի՝ «արքայական» ակումբի ղեկավարությունը նման որոշման  համար ունի մի շարք ծանրակշիռ պատճառներ։

«Ռեալը» ներկայումս դիտարկում է, թե արդյոք կա հնարավորություն լքել Իսպանիայի առաջնությունն ու տեղափոխվելը մեկ այլ ուժեղ առաջնություն, որի պատճառներից մեկն էլ Լա լիգայի նախագահ Խավիեր Տեբասի ճնշումներն են ակումբի վրա՝ կապված Սուպերլիգայի գաղափարի հետ։ Մադրիդում դժգոհ են նաև Լա լիգայի և CVC ներդումային հիմնադրամի հետ պայմանագիր կնքելու փաստից, ինչին կտրականապես դեմ էին արտահայտվել, և որին միացել էին ևս 3 ակումբ։

«Ռեալի» նախագահ Ֆլորենտինո Պերեսի նախընտրելի առաջնությունն Անգլիայի Պրեմիեր Լիգան է, սակայն դիտարկվում է նաև Ա Սերիային ու Բունդեսլիգային միանալու սցենարը։

Այլ առաջնությունը տեղափոխվելը մեծ աղմուկ կհանի, սակայն լավ կառավարման ու ծրագրման դեպքում կարող է դրական ազդեցություն թողնել և՛ ակումբի, և՛ հավանական առաջնության վրա։

Այս տեսանկյունից,  «Ռեալում» կարծում են, որ Պրեմիեր լիգան ամենահամապատասխանն է իրենց պահանջներին՝ ակումբների ուժեղության, տնտեսական հզորության և հեռուստատեսային իրավունքներից ստացած եկամուտների տեսանկյունից։