«Ռեալի» ավագ Սերխիո Ռամոսի ապագան շարունակում է անորոշ մնալ:

Ըստ Sport.es-ի՝ իսպանացին, ամենայն հավանականությամբ, գալիք մրցաշրջանում կշարունակի պաշտպանել «սերուցքայինների» գույները: 

Նշվում է, որ ստացված առաջարկներից լավագույնը «արքայական» ակումբի առաջարկն է:

Մադրիդում Ռամոսին առաջարկում են պայմանագիրը երկարաձգել մեկ տարով՝ երաշխավորելով տարեկան 9 մլն եվրո աշխատավարձ (չհաշված բոնուսները): Այն 10%-ով պակաս է Սերխիոյի՝ ներկայիս աշխատավարձից:

Միակ խնդիրն այն է, որ 35-ամյա ֆուտբոլիստը ցանկանում է նույն պայմաններով 2 տարվա համաձայնագիր: Նրա ծառայություններով հետաքրքրված «Մանչեսթեր Սիթին» ու ՊՍԺ-ն պատրաստ չեն տարեկան 9 մլն եվրո վճարել:

Fanat, Realmadrid.am