1992 թվականի ապրիլի 2-ին մադրիդիստները կորցրին իրենց ամենալեգենդար խաղացողներից մեկին՝ ՈՒԵՖԱ-ի 2 գավաթի, 5 լիգայի, 2 Արքայական գավաթի և 1 Լիգայի գավաթի հաղթողին:

Լրանում է «Ռեալ Մադրիդի» մեծագույն լեգենդներից մեկի՝ Խուան Գոմես «Խուանիտոյի» մահվան 34-րդ տարելիցը: 1992 թվականի ապրիլի 2-ին նա կյանքը կորցրեց ավտովթարի հետևանքով, երբ «Բեռնաբեուում» «Տորինոյի» դեմ խաղը դիտելուց հետո վերադառնում էր Մերիդա: Այդ ժամանակ նա 37 տարեկան էր և հանդիսանում էր «Մերիդա» ակումբի մարզիչը:

Խուանիտոն ծնվել է 1954 թվականի նոյեմբերի 10-ին Ֆուենխիրոլայում (Մալագա) և պատմություն է կերտել «Ռեալ Մադրիդում» 1977-1987 թվականներին: Ակումբի կազմում նա անցկացրել է 401 պաշտոնական հանդիպում, խփել 121 գոլ և նվաճել ՈՒԵՖԱ-ի 2 գավաթ, 5 լիգա, 2 արքայական գավաթ, 1 լիգայի գավաթ և 1 «Պիչիչի» մրցանակ:

Հիշատակը

Այդ ճակատագրական պահից ի վեր, մադրիդիստները նրան հիշում են «Բեռնաբեուում» կայացող յուրաքանչյուր խաղի 7-րդ րոպեին՝ վանկարկելով. "Illa, illa, illa, Juanito maravilla": Բացի իր խաղաոճում որակն ու կիրքը համադրելուց, Խուանիտոն հեղինակել է մադրիդյան պատմության անմոռանալի դրվագներ, ինչպիսիք են նրա ուրախության թռիչքները 1985/86թթ. ՈՒԵՖԱ-ի գավաթի խաղարկությունում Մյունխենգլադբախի «Բորուսիայի» դեմ պատմական «ռեմոնտադայի» ժամանակ: