Հոդվածներ

Զիդանն ամփոփել է «Էլչեի» դեմ խաղը
14.03.2021
1762 0

 Լա լիգայի 27-րդ տուրում «Էլչեի» նկատմամբ կամային հաղթանակ տոնելուց հետո «Ռեալի» գլխավոր մարզիչ Զինեդին Զիդանն իր կարծիքն է հայտնել հանդիպման վերաբերյալ:

 «Ամենակարևորը հավատն է սեփական ուժերի նկատմամբ: Բարդ դասավորվող հանդիպման ընթացքում փոխեցինք խաղային սխեման, ու դա արդյունք տվեց: Կարևոր էր 3 միավոր վաստակելն ու շարունակելը պայքարը Լա լիգայի տիտղոսի համար:

3 պաշտպանով դասավորությամբ խաղացել էինք 2-3 անգամ: Մինչև գոլ բաց թողնելը 3 գոլային պահ ունեցանք. կարծում եմ՝ սա դրական փորձ էր»:

 Մրցակցի մասին.

 ««Էլչեն» շատ լավ էր պաշտպանվում, և ֆիզիկապես նույնպես հիանալի վիճակում էին: Երբ թիմերը փակվում են սեփական տուգանային հրապարակում, գործը կրկնակի բարդանում է»:

 Մրցավարների որոշման մասին.

  «Եվս մեկ անգամ կրկնում եմ՝ չեմ ցանկանում խառնվել մրցավարների խոհանոցին: Այդ դրվագում ես տեսա 11-մետրանոց , սակայն մրցավարն այլ որոշում կայացրեց, որը պարտավոր ենք ընդունել»:

  Fanat, Realmadrid.am



Ամենակարդացված