Չեմպիոնների լիգայի փլեյ-օֆֆի անցումային փուլի պատասխան խաղում Մադրիդի «Ռեալը» կընդունի «Մանչեսթեր Սիթիին» (առաջին խաղն ավարտվել է «Արքայական ակումբի»՝ 3–2 հաշվով հաղթանակով):

«Ռեալի» կիսապաշտպան Ֆեդե Վալվերդեի նախախաղային մամուլի ասուլիսը

«Առաջիկա հանդիպու՞մը։ Գոհ եմ առաջին խաղի արդյունքից։ Մենք շատ ենք աշխատում և բարձր մոտիվացիա ունենք։ Ես հանգիստ եմ և վստահ վաղվա հանդիպման նախաշեմին։ Մենք և մեր երկրպագուները պետք է միավորվենք, որպեսզի դուրս գանք Չեմպիոնների լիգայի 1/8 եզրափակիչ»։

«Խաղալ պաշտպանության աջ եզրո՞ւմ։ Պատրաստ եմ հանդես գալ ցանկացած դիրքում։ Փորձում եմ սովորել պաշտպանությունում աջ եզրում խաղալ Կարվախալից և Լուկասից»։

 «Բելինգեմի հեռացո՞ւմը «Օսասունայի» դեմ խաղում։ Ես սիրում եմ Ջուդին այնպիսին, ինչպիսին նա կա։ Չեմ ուզում, որ նա փոխվի»։

 «Գյուլերը հսկայական պոտենցիալ ունի։ Նա «Ռեալի» ապագան է։ Արդան ունի այն ամենը, ինչ անհրաժեշտ է շատերի կուռքը դառնալու համար։ Ես անցել եմ այն նույն ճանապարհով, որով հիմա անցնում է նա։ Միևնույն ժամանակ, որոշ ֆուտբոլիստներ հաջողության են հասել «Ռեալում»՝ նախ վարձակալությամբ հեռանալով այլ թիմեր, այդ թվում՝ ես»։

 «Ռեալի» ավագ լինելը մեծ պատիվ և անսահման ուրախություն է ինձ համար, բայց նաև հաճելի ճնշում։ Երբ դու թիմի ավագն ես, քեզ առանձնահատուկ հարգանքով են վերաբերվում։ Ես դեռ սովորում եմ, և Կարվախալը, Մոդրիչը և Լուկասը խորհուրդներ են տալիս ինձ»։

«Տարբերությունը Լա Լիգայի և Չեմպիոնների լիգայի մրցավարների աշխատանքի մե՞ջ։ Ես այն մարդկանցից չեմ, ովքեր գնահատում են մրցավարության որակը։ Բոլորս էլ մարդիկ ենք և կարող ենք սխալվել։ Մրցավարները հաճախ քննադատության են ենթարկվում, բայց երբ նրանք լավ են աշխատում, նրանց չեն գովում դրա համար»։