Հոդվածներ

ABC. «Ռեալը» ցանկանում է Մբապեի գործարքում ներառել Վինիսիուսին
26.01.2021
1172 0

ՊՍԺ-ի հարձակվող Կիլիան Մբապեի ապագան շարունակում է անորոշ մնալ:

Օրեր առաջ ֆրանսիացին հարցազրույց էր տվել` հասկացնելով, որ սպասում է «Ռեալի» կոնկրետ քայլերին, հակառակ դեպքում՝ կերկարաձգի պայմանագրի ժամկետը փարիզյան ակումբի հետ ու ելույթները կշարունակի Ֆրանսիայի առաջնությունոմ:     

Ինչպես հաղորդում է ABC-ն, Մադրիդում պատրաստ չեն աշխարհի չեմպիոնի տեղափոխության համար վճարել ՊՍԺ-ի պահանջած 160 մլն եվրոն ու մտադիր են գումարի չափը կրճատելու համար գործարքում ներառել Վինիսիուսին:

Նշվում է, որ այդ տարբերակը հետաքրքրում է նաև փարիզցիներին:

Ընթացիկ մրցաշրջանում Վինիսիուսն անցկացրել է 24 հանդիպում՝ դառնալով 3 գոլի և նույնքան արդյունավետ փոխացնման հեղինակ:

Մբապեի հաշվին կա 23 խաղ, 16 գոլ ու 9 արդյունավետ փոխանցում:

Fanat, Realmadrid.am