Relevo-ի փոխանցմամբ, ապրիլի սկզբին Լուկա Մոդրիչն ու Ֆլորենտինո Պերեսը ոչ պաշտոնական հանդիպում են ունեցել, որի ընթացքում ակումբի նախագահը նշել է, որ ֆուտբոլիստը շատ շուտով նոր պայմանագրի առաջարկ կստանա։ 

Աղբյուրի փոխանցմամբ, «Սերուցքայինները» ցանկանում են թիմում պահել այն 6 ֆուտբոլիստներից 5-ին, որոնց պայմանագրի ժամկետն ավարտվում է այս տարի։ Խոսքը գնում է Մոդրիչի, Կրոսի, Նաչոյի, Ասենսիոյի և Սեբալյոսի մասին։  Միայն Մարիանոն է լքելու ակումբը։ 

Նշվում է, որ ֆուտբոլիստներից մի քանիսն արդեն նոր պայմանագրի առաջարկ ստացել են, իսկ մյուսները բանավոր համաձայնություն են ձեռք բերել ակումբի ղեկավարության հետ։ 

Սպասվում է, որ Մոդրիչը ևս մեկ մրցաշրջան կմնա «Արքայական» ակումբում։

Los Merengues, Realmadrid.am