Չեմպիոնների լիգայի հիմնական փուլի 7–րդ տուրում Մադրիդի «Ռեալը» սեփական հարկի տակ 5–1 հաշվով առավելության հասավ «Զալցբուրգի» նկատմամբ։

«Ռեալի» պատմության մեջ առաջին անգամ լեգեոներները խփեցին թիմի 54 անընդմեջ գոլը:

Վինիսիուսը խփեց իր 100-րդ և 101-րդ գոլերը «Ռեալում»՝ դառնալով երկրորդ բրազիլացին, որը հասել է այս նշաձողին։ Առաջինը Ռոնալդոն է (104)։

Վինիսիուսը դարձավ 23-րդ ֆուտբոլիստը, որը խփել է 100 գոլ «Ռեալի» կազմում։

Բելինգեմը դարձավ «Ռեալի» բոլոր մրցաշարերում ամենաշատ գոլային փոխանցում կատարած ֆուտբոլիստը՝ սկսած 2023 թվականի ամռանը ակումբ տեղափոխվելուց (22)։ Բացի այդ, բրիտանացին իր կարիերայում երկրորդ անգամ «Ռեալի» կազմում մեկ խաղում երկու գոլային փոխանցում կատարեց (առաջինը՝ «Ալավեսի» դեմ, 2024 թվականի մայիսին)։