Իսպանիայի առաջնության 19–րդ տուրում Մադրիդի «Ռեալը» կհյուրընկալվի Բիլբաոյի «Ատլետիկին» (05.12.2024, 00:00):

«Արքայական ակումբի» գլխավոր մարզիչ Կառլո Անչելոտիի նախախաղային մամուլի ասուլիսը

«Վաղը մեզ դժվար հանդիպում է սպասվում։ «Ատլետիկը» Իսպանիայի լավագույն թիմերից մեկն է, որի կազմում հանդես են գալիս հիանալի ֆուտբոլիստներ՝ փայլուն անհատական որակներով։ Բայց մենք լավ մարզավիճակում ենք և ցանկանում ենք մեր լավագույն խաղը ցուցադրել»։

«Ով կիրացնի հաջորդ 11–մետրանո՞ցը, պետք է որոշեն Բելինգեմն ու Մբապեն։ Նախորդ խաղում Կիլիանը Բելինգեմին ասաց, որ հենց նա՞ պետք է իրացնի 11–մետրանոցը, Կիլիանը վստահ է իր ուժերին, սակայն շռայլ քայլ կատարեց։ Մենք բարձր ենք գնահատում դա»։

«Չուամենին շատ լավ է զգում իրեն և պատրաստ է առաջիկա խաղին։ Տեսնենք՝ որ դիրքում հանդես կգա վաղը։ Ցանկացած պարագայում, Օրելյենը շատ կարևոր ֆուտբոլիստ է մեզ համար։ Նա շատ լավն է «երկրորդ հարկում» և դա շատ կարևոր է, քանի որ Միլիտաոն վնասվածք ունի։ Ամենակարևորն այն է, որ Չուամենին շարք է վերադարձել»։

«Ռաուլ Ասենսիոն հուսալի պաշտպան է և թերություններ չունի։ Նա շատ մոտիվացված է։ Հիմա նա թիմի լիիրավ անդամ է և արժանի է դրան։ Ես պետք է շատ երկար մտածեմ՝ նախքան նրան պահեստայինների նստարան ուղարկելը»։

«Բելինգեմը սկսել է ավելի շատ գոլեր խփել, քանի որ մենք ավելի դինամիկ ենք սկսել խաղալ։ Բայց մինչև այդ էլ նա շատ լավն էր»։

«Սեբալյոսը նույնպես շատ լավ է զգում իրեն։ Նա մյուս կիսապաշտպաններից տարբերվում է գնդակի վերահսկողության որակներով։ Նա մեծ ներդրում ունի մեր խաղում»։