«Ռեալ Մադրիդը» պաշտոնական կայքում հայտարարություն է հրապարակել՝ Պարագվայի սենատոր Սելեստե Ամարիլյայի կողմից «Լոս բլանկոսի» և Ֆրանսիայի հավաքականի հարձակվող Կիլիան Մբապեի հասցեին հնչեցրած վիրավորանքների վերաբերյալ։
«Ռեալ Մադրիդ» ֆուտբոլային ակումբը վճռականորեն դատապարտում է Պարագվայի սենատոր Սելեստե Ամարիլյայի կողմից մեր խաղացող Կիլիան Մբապեի հասցեին արված ռասիստական և քսենոֆոբիկ (օտարատյաց) արտահայտությունները։
Մեր ակումբը խստորեն դատապարտում է նման հայտարարությունները, որոնք հարիր չեն քաղաքական գործիչին, և իր լիակատար աջակցությունն է հայտնում մեր խաղացող Կիլիան Մբապեին, ով օրինակ է միլիոնավոր մարդկանց, և հատկապես ամբողջ աշխարհի երեխաների համար։
Ատելության նման հրահրումն անընդունելի է հասարակության մեջ։ Ֆուտբոլն ու սպորտը հավասարության և համերաշխության հարթակներ են, և Մադրիդի «Ռեալը» կշարունակի աշխատել ռասիզմը, քսենոֆոբիան և բռնությունը ընդմիշտ արմատախիլ անելու ուղղությամբ», — ասված է իսպանական ակումբի հաղորդագրության մեջ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
