Հարձակվողը մարզման մի մասն անցկացրեց խմբի հետ, բայց «Կլասիկոյի» ժամանակ «Մադրիդի» մեկնարկային կազմում նրա ներկայությունը դեռ հաստատված չէ:
Այս հինգշաբթի «Ռեալ Մադրիդը» մարզվեց Մբապեի ֆիզիկական վիճակի շուրջ առկա անորոշությամբ: «Մադրիդի» լավագույն ռմբարկուն անցել է բժշկական թեստեր, որոնք դրական արդյունք են տվել: Նա մարզման մի փոքր հատված անցկացրել է թիմակիցների հետ, ինչից հետո շարունակել է անհատական աշխատանքը մարզասրահում և ֆիզիոթերապևտների հետ:
Նախատեսվում է, որ այս ուրբաթ նա ավելի շատ կաշխատի խմբի հետ: Մեծանում են հնարավորությունները, որ նա գոնե կլինի հայտացուցակում Բարսելոնա մեկնելու համար, բայց դժվար է պատկերացնել, որ նա կկարողանա խաղը սկսել մեկնարկային կազմում: Հիշեցնենք, որ «Կլասիկոն» տեղի կունենա այս կիրակի՝ ժամը 21:00-ին։
Ինչ վերաբերում է վնասվածքներին, ապա գլխավոր նորությունն այն է, որ Մենդին հաջորդ երկուշաբթի կվիրահատվի Ֆրանսիայում՝ իր վերջին մկանային վնասվածքի պատճառով:
Ըստ ակումբի տեղեկատվության՝ խաղացողները մարզումը սկսել են մարզասրահում, այնուհետև խոտածածկի վրա կատարել են տակտիկական վարժություններ և ավարտել հարվածներով դեպի դարպասը:
ՌԵԱԼ ՄԱԴՐԻԴ 
Հայերեն 
English 
