Ջուդ Բելինգեմն արդեն երկորդ մրցաշրջանն է անցկացնում «Ռեալի» կազմում, ու մի պահ թվում էր, թե նրա մոտ «Երկրորդ մրցաշրջանի սինդրոմ» է, բայց ժամանակի ընթացքում նա վերականգնեց իր գոլային ցուցանիշները։ Նրա արդյունավետությունը շատերը կապում են բախտի գործոնի հետ։

Օրերս Ջուդը եղել է Topps-ի հյուրը, որտեղ էլ պատասխանել է քննադատներին։

«Մարդիկ ասում են, որ երբեմն, երբ գնդակը հայտնվում է ինձ մոտ, դա բախտի գործոնն է։ Ես միշտ պատասխանում եմ, որ կան մարդիկ, ովքեր խաղի ընթացքում հինգ անգամ են ներխուժում տուգանային հրապարակ ու գոլ չխփելու դեպքում ասում, որ իրենց բախտը չի բերում, բայց ես խաղի ընթացքում դա անում եմ մոտ 30 անգամ ու գոլ եմ խփում։

Այնպես, որ ինձ մոտ ռեալիզացիան նույնիսկ ավելի քիչ է, քան մյուսների մոտ։ Ես ընդամենը շարունակում եմ անել դա։ Միգուցե դա բախտ է, բայց երբ ես շարունակաբար նույնը անում եմ, դա նշանակում է, որ այնքան էլ բախտի հետ կապ չունի։

Ես գիտեմ, որ ինձ կքննադատեն այն բանի համար, որ ես հեշտ գոլեր եմ խփում, բայց ես դա սիրում եմ։ Բայց միտքը նրանում է, որ բոլորը կարող են հայտնվել նման դիրքում ճիշտ պահին, բայց չեն հայտնվում». նշել է անգլիացին։

Los Merengues, Realmadrid.am