Գարի Նևիլը անդրադարձել է Ջուդ Բելինգեմի ելույթներին և առանձնացրել նրան։ 

«Կարծում եմ, որ Բելինգեմի տրանսֆերը լավագույնն էր այս տրանսֆերային պատուհանի ընթացքում։ Եթե նա շարունակի նույն ոգով, ապա կարող է դառնալ Անգլիայի՝ պատմության լավագույն ֆուտբոլիստը։

Ջուդը յուրահատուկ տաղանդ ունի։ Նա շատ էլեգանտ և տեխնիկապես ուժեղ ֆուտբոլ է ցուցադրում՝ անընդհատ լինելով շարժման մեջ։

Նա միշտ կանխազգում է, թե ինչ է տեղի ունենալու և թե որտեղ է հայտնվելու գնդակը։ Նա շատ լավ ֆուտբոլային ինտելեկտ ունի։ Բայց ամենից շատ կառանձնացնեմ նրա աշխատասիրությունը։

Այն, թե ինչպես է Բելինգեմը սկսել մրցաշրջանը «Ռեալում» և Անգլիայի հավաքականում, խոսում է նրա բարձր մակարդակի մասին։ Ուղղակի հաճելի է դա տեսնելը։ 

«Ռեալում» հանդես են եկել Զիդանի նման ֆուտբոլիստներ։ Առայժմ վաղ է նրան Զիզուի հետ նույն հարթության վրա դնելը, բայց եթե նա շարունակի նույն տեմպերով, ապա կարող է նման արդյունքի հասնել». նշել է Նևիլը։

Los Merengues, Realmadrid.am