Ֆրան Գարսիան այսօր նշում է իր ծննդյան 24 ամյակը՝ հանդիսանալով «Ռեալի» հիմնական կազմի ֆուտբոլիստ։ Եզրային պաշտպանը, որ ծնվել է 1999 թվականի օգոստոսի 14-ին, թիմի նորեկներից մեկն է։

Ֆրան Գարսիան «Ռեալի» ակադեմիայի սան է, ակումբի համակարգում մարզվել է 2013-2020 թվականներին՝ հանդես գալով «Կադետ Բ»-ից սկսած մինչև «Կաստիլյա» տարբերակ տարիքային թիմերում։ Երեք մրցաշրջան «Ռայո Վալենակոյում» անցկացնելուց հետո այս տարի նա վերադարձավ հարազատ ակումբ։

«Ռեալի» առաջին թիմում իր պաշտոնական նորամուտը Ֆրանը նշել է 2018/19 մրցաշրջանում Իսպանիայի գավաթի խաղարկության «Մելիլյայի» դեմ մրցավեճում։ Իսկ ահա օրեր առաջ «Ատլետիկի» դեմ խաղում նա «Ռեալում» իր նորամուտը նշեց արդեն Լա լիգայում։

Ֆրան Գարսիան Իսպանիայի հավաքականի կազմում 2023 թվականին դարձել է Ազգերի լիգայի հաղթող։

Los Merengues, Realmadrid.am