ՈւԵՖԱ-ն կարող է որակազրկել Անտոնիո Ռյուդիգերին Չեմպիոնների լիգայի՝ «Ատլետիկոյի» դեմ խաղում ցուցաբերած վարքագծի համար։
Եվրոպական ֆուտբոլի ղեկավար մարմինն «Ատլետիկոյի» ներկայացրած բողոքի հիման վրա գործ է սկսել Ռյուդիգերի, Կիլիան Մբապեի, Դանի Սեբալյոսի և Վինիսիուս Ժունիորի դեմ՝ մարտի 12-ին կայացած Չեմպիոնների լիգայի 1/8 եզրափակիչի պատասխան խաղում ցուցաբերած ոչ մարզական վարքագծի համար:
Ինչպես հայտնում է Marca-ն, հավանական է, որ ՈւԵՖԱ-ն Վինիսիուսի, Մբապեի և Սեբալյոսի նկատմամբ ֆինանսական տուգանքներ կկիրառի։
Ռյուդիգերին սպառնում է տուգանք և որակազրկում Չեմպիոնների լիգայում: Նա կարող է բաց թողնել «Արսենալի» դեմ քառորդ եզրափակիչի առաջին հանդիպումը։
«Ռեալի» խաղացողների մասին վերջնական որոշումը կկայացվի ուրբաթ օրը։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
