Հավաքականների խաղով պայմանավորված ընդմիջումից հետո ֆուտբոլը վերադառնում է «Սանտիագո Բեռնաբեու» ։

«Արքայական ակումբն» այսօր երեկոյան հյուրընկալում է «Լեգանեսին» Լա Լիգայի 29-րդ տուրի խաղում (23։55)։ Թիմը սկսում է առաջնության վճռորոշ հատվածը՝ նպատակ ունենալով 3 միավոր վաստակել վերջին 10 տուրերի առաջին խաղում և առհասարակ յուրաքանչյուրում։

Անչելոտիի թիմին սպասվում է խիտ խաղացանկ՝ ավելի քան երեք շաբաթվա ընթացքում ութ հանդիպումներով, որոնց թվում են Չեմպիոնների լիգայի քառորդ եզրափակչի խաղը «Արսենալի» դեմ և Արքայական գավաթի կիսաեզրափակչի պատասխան հանդիպումը «Ռեալ Սոսյեդադի» դեմ՝ հաջորդ երեքշաբթի։ Այնուամենայնիվ, առաջին հերթին պետք է փորձել այս գիշեր «Բեռնաբեուում» պարտադիր հաղթանակ տանել «Լեգանեսի» դեմ։

«Սկսվում է մրցաշրջանի վերջնական հատվածը, և յուրաքանչյուր խաղ կարող է վճռորոշ լինել»,- ասել է Անչելոտին նախախաղային մամուլի ասուլիսում։ Իտալացին իր տրամադրության տակ ունի բոլոր ֆուտբոլիստներին։ Հայտացուցակից դուրս չի մնացել նաև Մբապեն, որը վճռորոշ դեր խաղաց Լա Լիգայի վերջին հանդիպման ժամանակ «Վիլյառեալի» դեմ՝ հեղինակելով դուբլ և առաջնությունում գոլերի քանակը հասնելով 20–ի։

Լեգանես

Բորխա Խիմենեսի թիմը 18–րդ հորիզոնականում է՝ 6 հաղթանակ, 9 ոչ-ոքի և 13 պարտություն։ Այս մրցաշրջանում «Ռեալը» երկու անգամ հաղթել է «Լեգանեսին», երկուսն էլ՝ «Բուտարկեում»։ Նոյեմբերին, Լա Լիգայում, «Ռեալը» հաղթեց 0-3 հաշվով, իսկ փետրվարին՝ 2-3 հաշվով հաղթելով, դուրս եկավ գավաթի կիսաեզրափակիչ։