Իսպանիայի առաջնության 12–րդ տուրից հետաձգված խաղում Մադրիդի «Ռեալը» հյուրընկալվելիս 10 հոգով հաղթանակ տոնեց «Վալենսիայի» նկատմամբ (2-1)։

«Ռեալ Մադրիդը» դարձավ Լա Լիգայի առաջին թիմը, որը հավաքեց 5000+ միավոր։

Մոդրիչը խփեց իր 40-րդ գոլը «Ռեալ Մադրիդի» կազմում։ Այդպիսով, խորվաթ ֆուտբոլիստը դարձավ «սերուցքայինների» պատմության մեջ ամենատարեց խաղացողը, ով կարողացել է գոլ խփել (39 տարեկան և 116 օրական)՝ գերազանցելով այս ցուցանիշով Պուշկաշին (39 տարեկան և 15 օրական):

Առաջին անգամ 1999 թվականի նոյեմբերից ի վեր՝ «Ռեալ Մադրիդը» հաղթեց արտագնա խաղում Լա Լիգայում՝ զիջելով հաշվի մեջ և լինելով 10 հոգով։ Այն ժամանակ «սերուցքայինները» հաղթեցին «Ռայո Վալեկանոյին» (3:2):

2013 թվականի սեպտեմբերից ի վեր «Ռեալ Մադրիդը» արտագնա խաղում Լա Լիգայում հաղթանակի հասավ վերջին րոպեին (90+5) խփած գոլով։ Այն ժամանակ «Էլչեի» դեմ խաղում 90+6 րոպեին Ռոնալդուն խփեց հաղթական գոլը 11-մետրանոցով։

Բելինգեմը դարձավ «Ռեալ Մադրիդի» առաջին ֆուտբոլիստը 2006 թվականից ի վեր, որը չիրացրեց 11-մետրանոց «Մեստալյայում»: Այդ ժամանակ 11-մետրանոցից վրիպեց Ռոնալդոն։

 Վինիսիուսն իր երկու կարմիր քարտերը «Ռեալ Մադրիդի» կազմում ստացել է «Վալենսիայի» դեմ խաղերում՝ «Մեստալյայում»։