Այսօր Վինիսիուս Ջունիորը նշում է իր 24-րդ տարեդարձը։ Բրազիլացու համար առաջիկա մրցաշրջանը 7-րդն է լինելու «Արքայական» ակումբի կազմում։ 2018 թվականի սեպտեմբերի 29-ին «Ատլետիկոյի» դեմ խաղում իր նորամուտը նշելուց ի վեր Վինին թիմի կազմում անցկացրել է 264 հանդիպում և դարձել 84 գոլի հեղինակ։

«Ռեալի» կազմում Վինին նվաճել է 12 տիտղոս. ՉԼ-ի 2 գավաթ, ԱԱԱ-ի 2 գավաթ, Լա լիգայի 3 գավաթ, Իսպանիայի 3 սուպերգավաթ, Եվրոպայի 1 սուպերգավաթ և Իսպանիայի 1 գավաթ։ 

Վինիսիուսը ՉԼ-ի երկու եզրափակիչներում էլ կարևոր դեր է խաղացել ու երկուսում էլ կարողացել դառնալ գոլի հեղինակ։ Նա նաև ճանաչվել է ՉԼ-ի վերջին խաղարկության լավագույն ֆուտբոլիստ։

Los Merengues, Realmadrid.am