Պաոլո Մալդիդին ներկա պահին համարվում է «Միլանի» վերակառուցման գլխավոր ճարտարապետը։ Իտալական ակումբը 11 տարի անց կարող է նվաճել Սկուդետոն։  

«Միլանը» այս և գալիք մրցաշրջանում հույսեր է կապում «Ռեալի» հետ։ Նախ, խոսքը գնում է Բրահիմ Դիասի մասին, ով ընթացիկ մրցաշրջանում կարևոր դեր է խաղում «Միլանի» կազմում։ 

Նա հիանալի մրցաշրջան է անցկացնում, սակայն նրա գործող վարձակալության ժամկետը ամռանն ավարտվում է։ «Միլանը» ցանկանում է իրականացնել նրա ամբողջական տրանսֆերը, բայց հույս ունի, որ «Սերուցքայինները» վերջինիս հրաժարագինը կնվազեցնեն մինչև 22 մլն եվրո։ AS-ի փոխանցմամբ, «Արքայական» ակումբում իրենց հերթին չեն ցանկանում ամբողջությամբ հրաժարվել ֆուտբոլիստի ծառայություններից։ 

Calciomercato-ի փոխանցմամբ, առաջիկա օրերին Մալդինին հանդիպում է ունենալու «Ռեալի» ղեկավարության հետ և քննարկելու է մի քանի թեմաներ։ «Միլանի» ներկայացուցիչը հետաքրքրվելու է նաև Ազարի և Յովիչի իրավիճակով։

Los Merengues, Realmadrid.am