Մադրիդի «Ռեալի» նախկին հարձակվող Մայքլ Օոուենը մեկնաբանել է Իսպանիայի սուպերգավաթի եզրափակիչում «Բարսելոնայից» կրած պարտությունը:

«Կուրտուան երեք գնդակ բաց թողեց, բայց լավագույնն էր «Ռեալի» կազմում: Դրանով ամեն բան ասված է: Համեմատեք երկու թիմերի պահեստայինների նստարանը, ես շոկի մեջ էի:

Պաշտպանները չէին կարողանում ճշգրիտ փոխանցումներ կատարել, իսկ հարձակվողներն անհարմար դիրքում էին: «Ռեալը» Վինիսիուսի միջոցով փորձում էր խաղալ հակագրոհներով, սակայն աներկբա է, որ նա չի կարող դիմակայել բոլորին»,- Օուենի խոսքը մեջբերում է Madrid Xtra-ն:

Հիշեցնենք, որ «Բարսելոնան» 14-րդ անգամ դարձավ Իսպանիայի սուպերգավաթակիր՝ եզրափակիչում 3-1 հաշվով հաղթելով «Ռեալին»: