Մադրիդի «Ռեալի» գլխավոր մարզիչ Կառլո Անչելոտին խոսել է Լա լիգայում հաղթանակի մասին։
«Շատ էմոցիաներ կան։ Մենք կատարեցինք մեր առջև դրված խնդիրը։ Մրցաշրջանը տպավորիչ էր։ Ես պետք է ֆուտբոլիստներին շնորհակալություն հայտնեմ նրանց կատարած աշխատանքի համար։ Այսօր մենք ոչ թե պետք է խոսենք, այլ տոնենք։ Ես ցանկանում եմ տոնել։
Եվրոպայի բոլոր թոփ 5 առաջնություններում հաղթանակը ինձ հպարտություն է պատճառում։
Կարող եմ ասել, որ ինձ դուր է գալիս այն, ինչ ես անում եմ։ Դա նշանակում է, որ ես վատ չեմ աշխատել։ Ես հպարտ եմ և ցանկանում եմ շարունակել «Ռեալի» հետ տիտղոսներ նվաճել։ Կտեսնվենք չորեքշաբթի օրը։
Դիմում եմ երկրպագուներին. չորեքշաբթի մեզ նման մթնոլորտ է հարկավոր»,- ասել է Անչելոտին։