Վերջին տարիներին Մադրիդի «Ռեալի» տրանսֆերային քաղաքականությունն ուղղակի հիացնող է: Ֆլորենտինո Պերեսի նախագահությամբ՝ ակումբը ձեռք է բերում ոչ թե միայն երիտասարդ, այլ երիտասարդ ու որակյալ(եթե չասենք՝ գերտաղանդավոր) ֆուտբոլիստների:

Cadena SER-ի հաղորդմամբ՝ «Ռեալը» հետաքրքրված է «Ռիվեր Փլեյթի» արգենտինացի կիսապաշտպան Ֆրանկո Մաստանտուոնոյի ծառայություններով: Հարձակողական ոճի կիսապաշտպանը 16 տարեկան է՝ 1,80մ հասակով: Նա Արգենտինայի Մ20 հավաքականի անդամ է: Transfermarkt-ի գնահատմամբ՝ ֆուտբոլիստի տրանսֆերային արժեքը 10 միլիոն եվրո է:

Ըստ իսպանական աղբյուրի՝ «Ռեալը» ցանկանում է այս ամռանը ձեռք բերել խաղացողի տրանսֆերային իրավունքը, որը պատկանում է «Ռիվեր Փլեյթին»: Ֆրանկոն արգենտինական ակումբի հիմնական թիմին միացել է 2024 թվականին ակումբի Մ20 թիմից: Կողմերի պայմանագրի ժամկետը գործում է մինչև 2026 թվականի դեկտեմբերի 31-ը ներառյալ:

Fenomeno, Realmadrid.am