• Գլխավոր
  • /
  • Լուրեր
  • /
  • «Ռեալում» կարծում են, որ Բենզեման լրջորեն դիտարկում է ակումբից հեռանալու տարբերակը

Լուրեր

«Ռեալում» կարծում են, որ Բենզեման լրջորեն դիտարկում է ակումբից հեռանալու տարբերակը
30.05.2023
4218 0

«Ռեալում» կարծում են, որ թիմի ֆրանսիացի հարձակվող Կարիմ Բենզեման լրջորեն դիտարկում է ակումբից հեռանալու տարբերակը, հաղորդում է Relevo-ն:

Մադրիդյան ակումբը չի խոչընդոտի Բենզեմայի հեռանալուն, եթե 2022թ. «Ոսկե գնդակի» դափնեկիրը կարիերան շարունակի Եվրոպայի սահմաններից դուրս:

Կա հավանականություն, որ ֆուտբոլիստը ևս մեկ մրցաշրջան կանցկացնի «Ռեալում» և 2024 թվականին կմիանա արաբական ակումբներից մեկին:

Ավելի վաղ հայտնի էր դարձել, որ 35-ամյա ֆրանսիացի հարձակվողը Սաուդյան Արաբիան ներկայացնող ակումբից 200 միլիոն եվրո կազմող առաջարկ է ստացել:

Բենզեման «Ռեալում» ելույթ է ունենում 2009 թվականից և Լա լիգայի ընթացիկ մրցաշրջանում մասնակցել է 23 խաղի, խփել 18 գոլ, կատարել 3 գոլային փոխանցում:


Ամենակարդացված