Թուրինի «Յուվենտուսի» գլխավոր մարզիչ Մասիմիլիանո Ալեգրին ամփոփել է Մադրիդի «Ռեալի» դեմ ԱՄՆ-ում հուլիսի 31-ի լուսաբացին կայացած հանդիպումը, որում իտալական ակումբը զիջեց 0-2 հաշվով:

«Մենք լավ հանդիպում անցկացրինք, խաղում էինք Եվրոպայի ուժեղագույն թիմի դեմ: Ամեն ինչ արեցինք՝ պայքարի մեջ մնալու համար: 

Գոհ եմ տղաների խաղից, աճ կա, բայց սպասում ենք որոշ խաղացողների վերադարձին: 

Երկու թիմերն էլ շատ գոլային պահեր ունեին: Հարկավոր է համբերատար լինել ու սպասել հնարավորությանը: 

Մի քանի օր կհանգստանանք, որից հետո կվերադառնանք մարզումներին, քանի որ առջևում առաջնության մեկնարկն է»,- ասել է Ալեգրին: