Պաշտպան Անտոնիո Ռյուդգերը մեկնաբանել է իր «Չելսիից» «Ռեալ» տեղափոխությունը։

«Ուրախ եմ տեղեկացնել, որ «Ռեալ» եմ տեղափոխվում։ Անհամբերությամբ եմ սպասում նոր մարտահրավերներին ու այս մեծագույն ակումբում առաջին խաղին»,- գրել է Ռյուդիգերն իր թվիթերում։

Այսօր՝ հունիսի 2-ին, «Ռեալը» հայտարարեց 29-ամյա Ռյուդիգերի հետ 4 տարվա պայմանագիր կնքելու մասին։

Գերմանացին մադրիդյան ակումբ է տեղափոխվել ազատ գործակալի կարգավիճակով։

2021/22 մրցաշրջանում Ռյուդիգերը «Չելսիի» կազմում անցկացրած 54 խաղում դարձել է 5 գոլի ու 4 գոլային փոխանցման հեղինակ։