«Ռեալը» կտրուկ մոտեցել է Լա լիգայում պատմական ցուցանիշին

29.12.2024

919 0

Մադրիդի «Ռեալին» մեկ քայլ է բաժանում Լա լիգայի պատմության 5000–րդ միավորը վաստակելուց, հաղորդում է Marca պարբերականը։

Այս պահին «սերուցքայինները» վաստակել են 4999 միավոր՝ իսպանական բարձրագույն դիվիզիոնում անցկացրած բոլոր ելույթներում։

Վաստակած միավորների քանակով երկրորդը «Բարսելոնան» է, որը 4887 միավոր է վաստակել, իսկ երրորդում «Ատլետիկոն» է՝ 4018 միավոր։

Հիշեցնենք, որ Կառլո Անչելոտիի սաներն առաջիկա խաղում արտագնա հանդիպում կանցկացնեն «Վալենսիայի» հետ։ Ընթացիկ մրցաշրջանում «Ռեալը» Լա լիգայի երկրորդ հորիզոնականն է զբաղեցնում՝ զբաղեցրած 40 միավորով։