Relevo․ «Ռեալ Մադրիդը» պատրաստ է ամառային տրանսֆերային պատուհանի ընթացքում դիտարկել Օրելյան Չուամենիի տրանսֆերի վաճառքը՝ շահավետ առաջարկի դեպքում։ Ակումբում արդեն ընդունում են, որ կիսապաշտպանը չի արդարացրել իր առջև դրված սպասելիքները։

Բացի այդ, «սերուցքայինների» որոշ ներկայացուցիչներ պահանջում են դադարեցնել ֆրանսիացուն կենտրոնական պաշտպանի դիրքում խաղացնելը և վերադարձնել նրան իր սովորական դիրքին։

Անգլիայի Պրեմիեր լիգայի գրանդները շարունակում են հետաքրքրություն ցուցաբերել նրա նկատմամբ։

Պրեդրագ Միյատովիչ («Ռեալի» նախկին հարձակվող).

«Եկեք իրերն իրենց անունով կոչենք․ Չուամենին չի համոզում իր խաղով ոչ մի դիրքում։

Նրանից մեծ սպասելիքներ կային, և նա գերազանց էր հանդես գալիս Ֆրանսիայի հավաքականում, բայց «Ռեալ Մադրիդ» տեղափոխվելուց հետո նա մշտապես փոքր-ինչ չէր համապատասխանում իրենից ակնկալվող մակարդակին»։

The Athletic (Կորտեգանա)․ «Ռեալի» մարզչական շտաբում ընդունում են Չուամենիի հասցեին հնչող քննադատության իրավացիություն, սակայն նրանք նաև նշում են, որ ֆրանսիացին լավ է դրսևորել իրեն անցած և այս մրցաշրջաններում՝ չնայած խաղալով ոչ իր հիմնական դիրքում՝ կենտրոնական պաշտպանի դիրքում։