«ՄԱՐԿԱ». ԴԻԵԳՈ ԼՈՊԵՍՆ ԱՌԱՋԱՐԿՆԵՐ Է ՍՏԱՑԵԼ «ՄԻԼԱՆԻՑ», «ԼԻՎԵՐՊՈՒԼԻՑ», «ՄՈՆԱԿՈՅԻՑ» ՈՒ «ԳԱԼԱԹԱՍԱՐԱՅԻՑ»

16:03:12 25.05.2013

Մադրիդի «Ռեալի» դարպասապահ Դիեգո Լոպեսը պատրաստվում է լքել թիմն առաջիկա ամռանը: Այս մասին է գրում իսպանական «Մարկա»-ն:

Աղբյուրի տեղեկացման համաձայն՝ իսպանացի դարպասապահն ընտրություն է կատարելու չորս թիմերի միջև՝ «Գալաթասարայ», «Մոնակո», «Լիվերպուլ» և «Միլան»:

Հաղորդվում է, որ 31-ամյա դարպասապահն ուղղակի վստահ է, որ «Ռեալի» նոր մարզիչն ավելի շատ հավանություն է տալու Իկեր Կասիլյասին:

Հիշեցնենք, որ Լոպեսը «Սևիլիայից» տեղափոխվեց «Ռեալ»: Այդ ժամանակ Իկեր Կասիլյասը ձեռքի կոտրվածք էր ստացել:

Գևորգ Մովսիսյան, ©Realmadrid.am