2016 թվականի ապրիլի 12-ին 71 տարեկան հասակում մահացավ Պեդրո դե Ֆելիպեն, ով «Ռեալ Մադրիդի» խաղացող էր 1964-ից 1972 թվականներին: Ակումբի մանկապատանեկան համակարգի սան լինելով՝ նա հաջողության հասավ առաջին թիմում՝ դառնալով «Yeyé Ռեալ Մադրիդի» պաշտպանության հիմնասյուներից մեկը: Որպես մադրիդիստ իր ութ մրցաշրջանների ընթացքում նա նվաճեց 1 Չեմպիոնների գավաթ, 5 Լա լիգա և Իսպանիայի 1 գավաթ:
Պեդրո Էուխենիո դե Ֆելիպեն ծնվել է Մադրիդում 1944 թվականի հուլիսի 18-ին: Նրա կարիերայում առանձնանում է հատկապես Չեմպիոնների գավաթի 6-րդ տիտղոսը, երբ ընդամենը 21 տարեկանում նա ստանձնեց մեկնարկային կազմի խաղացողի դերը այդ խաղարկության բոլոր կարևոր հանդիպումներում:
Զոկոյի, Ամանսիոյի, Խենտոյի և Պիրիի հետ միասին նա վերադարձրեց «Ռեալ Մադրիդի» գերիշխանությունը Եվրոպայում՝ 1966 թվականի պատմական եզրափակչում հաղթելով «Պարտիզանին»: Նա առաջին թիմի կազմում անցկացրեց 170 հանդիպում և պաշտպանությունում փոխարինեց մեկ այլ լեգենդի՝ Սանտամարիային: Բացի այդ, նա մեկ խաղ է անցկացրել Իսպանիայի հավաքականի կազմում:
ՌԵԱԼ ՄԱԴՐԻԴ 
Հայերեն 
English 
