Այցելություն Սանտյագո Բերնաբեու

Պատկերացնու՞մ եք, որ հնարավորություն եք ստանում այցելել Սանտյագո Բերնաբեու մարզադաշտը, լինել նրա գաղտնի անկյուններում, որոնց դուք ծանոթ էիք միայն նկարներով: Տարվա մեջ ցանկացած օր դուք կարող եք տեսնել այս ամենը՝ ընդամենը շատ քիչ ժամանակ ծախսելով: Այս նոր ուղևորության շնորհիվ դուք կարող եք ավելին իմանալ մարզադաշտի, Ռեալ Մադրիդ ակումբի և նրա երկրպագուների մասին: Այժմ այս ուղևորությունը վերածվել է ինքնատիպ ցուցահանդես-զբոսանքի, որի ընթացքում դուք կայցելեք մարզադաշտի բոլոր բաժինները, կտեսնեք հանդերձարանները, կկարողանաք նստել փոխարինողների նստարաններին և այլն: Մենք հրավիրում ենք ձեզ վիրտուալ ճանապարհորդության, որը ձեզ համար կդառնա անմոռանալի: Իհարկե, վիրտուալ ճանապարհորդությունը չի կարող համեմատվել մարզադաշտով իրական զբոսանքին հետ, բայց սա նույնպես ձեզ վրա անմոռանալի տպավորություն կթողնի:

Եվ այսպես, սկսենք մեր ուղևորությունը մարզադաշտով:

Երթուղին սկսվում է կենտրոնական տոմսարկղերում: Էքսկուրսիան սկսվում է ամեն օր, բացի հունվարի 1-ից և դեկտեմբերի 25-ից, առավոտյան ժամը 10:30: Այն տևում է 10:30 –ից մինչև ժամը 19:30 – ը:

Ուղևորությունը սկսվում է Շել Տոն փողոցի 40 համարի դռնից: Դռների վրայի պաստառներին, ինչպես նաև տոմսարկղերի մոտ մանրամասն տեղեկություն է տրվում էքսկուրսիայի երթուղու մասին:

Մենք արդեն գտնվում ենք մարզադաշտի ներսում: Ժամանակակից դարպասները ճանապարհ են բացում դեպի շարժասանդուղք:

Վերելք 8 համայնապատկերային վերելակներից մեկով և հիանալի տեսարան՝ ահա այստեղ է սկսվում մեր էքսկուրսիայի գլխավոր մասը:

Ուղևորության առաջին կանգառը տեղի է ունենում այցելուների համար ամենագրավիչ տեղերից մեկում: Այստեղ բոլորովին այլ մթնոլորտ է տիրում:

Հաջորդ շարժասանդուղքին տանող ճանապարհին մենք հանդիպում ենք միջանցքի պատերից կախված վահանակներին, որոնց վրա պատկերված է մարզադաշտը՝ իր բացման օրը 1947 թվականին: Այստեղ ներկայացված է նաև մարզադաշտի պատմությունը, ինչը թույլ է տալիս պատկերացում կազմել ու գնահատական տալ «Սանտյագո Բերնաբեուի» զարգացմանն ու բարգավաճմանը:

Երթուղին գտնելը հեշտացնելու համար կան հատուկ նշաններ, որոնք թույլ չեն տա ձեզ մոլորվել այս հիանալի կառույցում:

Ահա ևս մի տեղ, որը մեր առջև բացում է ամբողջ Բերնաբեուի համայնապատկերը:

Այժմ մենք գտնվում ենք VIP օթյակում, որտեղից, հարմարավետ բազկաթոռներին նստած՝ Մադրիդի Ռեալի խաղին են հետևում Իսպանիայի ամենահայտնի դեմքերը և ոչ միայն:

Այնուհետև մենք շարժվում ենք դեպի սրահ, որտեղ հավաքված բազմաթիվ մարդիկ հնարավորություն ունեն հետևելու Ռեալի հրաշալի խաղին յուրաքանչյուր հեռուստացույցով:

Հաջորդ դրվագում մարզադաշտում հանդիպում ենք Ռեալի ուրիշ երկրպագուների՝ արգենտինացի երկրպագուհուն և մեքսիկացի ֆանատին իրենց փոքրիկ զավակի հետ: «Մենք ուրախ ենք այստեղ գտնվելու համար: Վաղուց էինք ուզում այստեղ գալ ու արդեն հասցրել ենք մի քանի հուշանվեր գնել»: Տեսնելով այս դեմքերը՝ ակումբի ադմինիստրացիան առանց վարանելու այս ընտանիքին նվիրեց «Ռեալ Մադրիդ» ակումբի երկրպագուների անդամության քարտեր:

Մարզադաշտի ամբողջական համայնապատկերին ծանոթանալուց հետո գնում ենք դեպի ֆուտբոլիստների հանդերձարանները, որտեղ նրանք հավաքվում են խաղից առաջ և հետո: Այս պատերը բազմաթիվ գաղտնիքներ են պահում իրենց մեջ:

Սրահում մենք տեսնում ենք Մադրիդի Ռեալի գերբը՝ հատակին պատկերված:

Էքսկուրսիայի հաջորդ էտապը թունելն է, որով ֆուտբոլիստները դուրս են գալիս Սանտյագո Բերնաբեույի խաղադաշտ:

Մենք գտնվում ենք ստադիոնի հենց խաղադաշտում, որտեղ արվում է այս ուղևորության ֆոտոնկարների մեծ մասը:

Այնուհետև մենք ստանում ենք աննախադեպ առավելություն նստել փոխարինողների նստարաններից մեկին: Չնայած, այս նստարանները կարելի է առանց չափազանցության անվանել բազկաթոռներ:

Այսքան մոտ տարածությունից մարզադաշտի խոտածածկը տեսնելն արդեն կարելի է անվանել առավելություն:

Երկար ուղևորությունից հետո մենք մտնում ենք մարզադաշտի ներսում գտնվող սրճարանը, որտեղ կարող ենք մի բան ուտել, կամ հագեցնել մեր ծարավը:

Մեզ մնում է այցելել 20-րդ դարում Մադրիդի Ռեալի ունեցած նվաճումների ցուցահանդեսը:

Ցուցահանդեսում կարող եք գտնել ձեզ համար նոր ու հետաքրքիր բաներ. օրինակ՝ ակումբի բոլոր տեղեկատվական վահանակները թարգմանված են նաև անգլերեն, որպեսզի ավելի մեծ քանակությամբ մարդիկ կարողանան ծանոթանալ պատմությանը : Նման բան աշխարհում այլևս ոչ մի տեղ չկա:

Երբ մեր ուղևորությունը մոտենում է իր ավարտին, մենք տեղափոխվում ենք ակումբի ատրիբուտիկայի խանութ, որտեղ դուք կարող եք ձեռք բերել շատ ապացույցներ այն բանի որ եղել եք Եվրոպայի լավագույն էքսկուրսիաներից մեկում: Ինչպես նաև կարող եք պարզապես հուշանվերներ գնել:

Այսքանով ավարտվում է մեր ուղևորությունը աշխարհի ամենագեղեցիկ ու ամենահայտնի մարզադաշտերից մեկով՝ Սանտյագո Բերնաբեուի անվան: Հուսով ենք, ձեզ գոհացրեց այս վիրտուալ էքսկուրսիան:

Աղբյուրը` realmadrid.com