«Ռեալը» դիտարկում է արգենտինացի վինգեր Ֆրանկո Մաստանտուոնոյի վարձակալության հնարավոր տարբերակը։ Այս մասին տեղեկացնում է Ռադիո Մարկան։
Աղբյուրի տեղեկացմամբ՝ 18-ամյա ֆուտբոլիստի կարիերան շարունակելու ամենահավանական վայրը «Բենֆիկան» է։
Ավելի վաղ հաղորդվել էր, որ «Մադրիդը» պատրաստ է վարձակալության հանձնել խաղացողին՝ առանց գնման հնարավորության։ Ֆրանկոյով հետաքրքրված են հինգ ակումբներ, այդ թվում՝ «Ֆիորենտինան» և «Միլանը»։
Մաստանտիուոնոն միացել է իսպանական գրանդին 2025 թվականի ամռանը։ Այս ընթացքում նա մասնակցել է 35 խաղի բոլոր մրցաշարերում՝ խփելով երեք գոլ և կատարելով մեկ գոլային փոխանցում։ Նրա ներկայիս պայմանագիրը ակումբի հետ նախատեսված է մինչև 2031 թվականի ամառը։ Transfermarkt-ի տեղեկության համաձայն՝ ֆուտբոլիստի տրանսֆերային արժեքը կազմում է 45 միլիոն եվրո։
Silent Striker, Realmadrid.am
ՌԵԱԼ ՄԱԴՐԻԴ 
Հայերեն 
English 
