Վինիսիուս Ջունիորը նախորդ տարվա համեմատ այլ ֆուտբոլիստ է դարձել։ Դա գիտեն թե՛ Զիդանը, թե՛ հակառակորդները, և թե՛ անձամբ ֆոըտբոլիստը։
Նախորդ մրցաշրջանում շատ էին քննադատում նրան այն բանի համար, որ չէր կարողանում իրացնել իր ստացած պահերը, սակայն մարզումների ժամանակ քրտնաջան աշխատանքը փոխեց այդ ամենը։
Զիդանի վերադարձից հետո Վինիսիուսը տպավորում է իր բոլոր գործողություններով։
Այժմ նա ավելի վստահ է իր ուժերի նկատմամբ, ավելի հասուն է և ֆիզիկապես ավելի ամուր է։
Զիդանը հասկացրեց Վինիսիուսին, որ ֆուտբոլը միայն դրիբլինգը չէ։
Հիմա նա ավելի էֆեկտիվ է գործում խաղադաշտում և կարողանում է թիմային ֆուտբոլ խաղալ։ Մյուս կողմից խաղընկերն են սկսել ավելի շատ վստահել երիտասարդ ֆուտբոլիստին, և հույս դնել նրա վրա։ Բրազիլացին շատ լավ է համագործակցում մասնավորապես Կարիմ Բենզեմայի և Մարսելոյի հետ։
Նրանց օգնությամբ Վինիսիուսը այժմ ավելի լավ է կողմնորոշվում մրցակցի տուգանային հրապարակում և կարողանում է ճիշտ որոշումներ կայացնել։
Այսօր կայանալիք խաղում Էդեն Ազարը բացակայում է թիմի հայտացուցակից, ինչը նշանակում է, որ ամենայն հավանականությամբ հենց Վինսիուսը կլինի մեկնարկային կազմում։
Վերջին խաղերին 19-ամյա ֆուտբոլիստը այնպես էր տպավորել իր խաղով, որ Զինեդին Զիդանը ստիպված էր եղել տարբերակ մշակել՝ նրան և Ազարին միևնույն ժամանակ խաղադաշտ դուրս բերելու համար։
Այս մրցաշրջանում Վինիսիուսը մասնակցել է 33 հանդիպման՝ դառնալով 5 գոլի և 4 գոլային փոխանցման հեղինակ։
Այդ բոլոր գոլերն ու փոխանցումները նա կատարել է մրցաշրջանի երկրորդ հատվածում, ինչը լավ նորություն է «Ռեալի» երկրպագուների համար։
Los Merengues, Realmadrid.am
