Սա առաջին անգամը չէ, որ Իսկոն մտադրվում է լքել «Մադրիդի Ռեալը», սակայն այս անգամ կարծես ամեն բան ավելի լուրջ է։ Այժմ նա այն խաղացողների թվում է, ովքեր խաղաժամանակ չեն ստանում եզրափակիչների ժամանակ։ Որպես «Ռեալի» խաղացող, Իսկոն Լիսաբոնում տեղի ունեցած ՉԼ-ի եզրափակչի ժամանակ հայտնվել էր թիմի մեկնարկային կազմում, ինչպես նաև Զիդանի օրոք, Միլանում տեղի ունեցած եզրափակչում խաղաժամանակ ստացավ։ ԱԱԱ-ի եզրափակչից հետո Իսկոն զգաց, թե ինչ է եզրափակիչներում խաղաժամանակ չստանալը։ Նախորդ երկու մարզիչների օրոք Իսկոն թիմի խաղի մեջ կարևոր դերակատարում ուներ, սակայն այժմ իսպանացին չի մտնում Սոլարիի պլանների մեջ։
2016 թվականին Խամեսը լքեց արքայական ակումբը և թվում էր, թե Իսկոյի համար ամեն բան ավելի լավ է ընթանալու, սակայն այդ ժամանակ էլ Վիսենտե Դել Բոսկեն չհրավիրեց նրան մասնակցելու այդ տարի կայանալիք Եվրոպայի առաջնությանը։
Մինչ այս շատ ակումբներ են ցանկացել իրենց կազմում տեսնել Իսկոյին, սակայն իսպանացին չէր ցանկանում լքել «Ռեալը»։ Զիդանը շանս տվեց նրան, և հենց այդ մրցաշրջանում Իսկոն ցույց տվեց, որ արժանի է հիմնական կազմի խաղացող լինելուն։
Լոպետեգիի օրոք նույնպես Իսկոն կարևոր խաղացողներից մեկն էր։ Այժմ «Մադրիդի Ռեալի» ղեկավարությունը կարծում է, որ Իսկոն պետք է մնա և շտկի իր հարաբերությունները Սոլարիի հետ և չի պատրաստվում հրաժարվել նրանից։
Los Merengues, Realmadrid.am
