Կայացավ Լա լիգայի 3-րդ տուրի «Ռեալ Մադրիդ» - «Լեգանես» հանդիպումը։ Այս խաղում իր նորամուտը «Ռեալում» նշեց Տիբո Կուրտուան։ Հանդիպումն անցավ «Ռեալի» տոտալ առավելությամբ։
Արդեն 17-րդ րոպեին Գարեթ Բեյլը գեղեցիկ հարվածով բացեց հանդիպման հաշիվը Կարվախալի փոխանցումից հետո։ Ընդամենը 7 րոպե անց մրցակիցը ստացավ 11 մետրանոցի իրավունք, ու Գուիդո Կարիլյոն հավասարեցրեց հաշիվը։ Թիմերն ընդմիջման գնացին հենց 1-1 հաշվի պարագայում։
Երկրորդ խաղակեսի մեկնարկելուն պես՝ 48-րդ րոպեին, Կարիմ Բենզեման առաջ մղեց «Ռեալին» Ասենսիոյի փոխանցումից հետո։ Գոլը արձանագրվեց միայն VAR համակարգի կիրառումից հետո։
61-րդ րոպեին փայլուն կոմբինացիայից հետո Կարիմ Բենզեման դուբլ ձևակերպեց՝ շարունակելով իր արդյունավետության հիանալի շարքը։
Իսկ ահա 66-րդ րոպեին այս մրցաշրջանում արդեն 3-րդ անգամ Մարկո Ասենսիոն վաստակեց 11 մետրանոցի իրավունք, ու Սերխիո Ռամոսն անվրեց իրացրեց հարվածը։
Արդյունքում «Ռեալը» հաղթում է ու շարունակում է վստահորեն գլխավորել մրցաշարային աղյուսակը։
«Ռեալ Մադրիդ» 4-1 «Լեգանես»
Գոլերը՝ 1-0 Բեյլ (17), 1-1 Կարիլյո (24, 11մ), 2-1, 3-1 Բենզեմա (48, 61), 4-1 Ռամոս (66, 11մ)
Տեսանյութն՝ ԱՅՍՏԵՂ։
Los Merengues, Realmadrid.am
