Մարսելոյի ու Կազեմիրոյի վնասվածքների մասին

16:45:56 04.10.2016

Ամենայն հավանականությամբ, Մարսելոն պատրաստ կլինի «Բետիսի» դեմ խաղին

Մադրիդի «Ռեալի» բրազիլացի պաշտպան Մարսելոն, ով «Վիլյառեալի» դեմ խաղում վասվածք ստացավ, ամենայն հավանականությամբ, պատրաստ կլինի «Բետիսի» դեմ խաղին:

Մարսելոն հավաքական չի մեկնի ու կմնա «Ռեալում»՝ ապաքինման գործընթացը շարունակելու:

Ակնկալվում է, որ բրազիլացին թիմի հետ մարզումներին կմիանա հաջորդ շաբաթվա սկզբին:

Կազեմիրոն՝ ապաքինման ճանապարհին

Կազեմիրոյի բացակայությամբ «Ռեալի» ելույթները շատ երերուն են, և ֆուտբոլիստի տեղն իսկապես զգացվում է թիմի հիմնական կազմում:

Նա շարունակում է ապաքինվել ու սկսել է մարմնամարզական վարժություններ կատարել: Որոշ ժամանակ անց Կազեմիրոն կմիանա ընդհանուր խմբի մարզումներին:

Fenomeno, Realmadrid.am